ՆՈՐՈՒԹՅՈՒՆՆԵՐ

Քաղցկեղի դեմ պայքարի համաշխարհային օրը (World Cancer Day) նշվում է փետրվարի 4-ին

Քաղցկեղային հիվանդությունների դեմ պայքարի միջազգային օրն ամենամյա միջոցառում է, որը կազմակերպվում է Քաղցկեղի դեմ պայքարի միջազգային միության (International Union Against Cancer, UICC) կողմից 2005 թվականից առայսօր: Օրվա նպատակն այդ գլոբալ խնդրի նկատմամբ հասարակության ուշադրությունը գրավելն է, մեր օրերում այդքան վտանգավոր և տարածված ուռուցքային հիվանդությունների մասին հիշեցնելը:


Ուռուցքային հիվանդությունը միշտ ողբերգություն է: Սակայն մասնագետները հայտարարում են, որ մեր օրերում քաղցկեղային հիվանդությունների առաջացման պատճառները հայտնի են, ինչը հնարավորություն է տալիս կանխել նոր դեպքերի մոտավորապես 1/3-ը: Հիվանդության վաղ փուլերում քաղցկեղային ուռուցքի հայտնաբերման դեպքում հնարավոր է արդյունավետ բուժել:


Քաղցկեղը հարյուրավոր տարբեր հիվանդությունների ընդհանուր անունն է, որոնք կարող են ախտահարել թոքերը, ստամոքսը, լյարդը, աղիքային համակարգը, կրծքագեղձերը և այլ օրգան-համակարգեր: Քաղցկեղային բոլոր հիվանդությունների հիմքում օրգանիզմում անոմալ բջիջների արագ բազմացումն է:


Վիճակագրության համաձայն, քաղցկեղային հիվանդություններից մահացությունների դեպքերի մոտավորապես 1/3-ի պատճառը սխալ սննդակարգն ու վատ սովորություններն են: Ցանկացած մարդ կարող է էականորեն նվազեցնել քաղցկեղով հիվանդանալու հավանականությունը, եթե.


-    խուսափի ճարպակալումից,
-    սննդակարգում ներառի շատ մրգեր և բանջարեղեն, 
-    ակտիվ շարժվի օրվա ընթացքում,
-    հրաժարվի ծխելուց,
-    հրաժարվի ալկոհոլից:


Այս կանխարգելիչ միջոցառումներից զատ հարկ է պարբերաբար ախտորոշում անցնել՝ բացահայտելու ախտաբանության  առկայությունը, նվազագույնը` կատարել արյան հետազոտություն: Հիվանդության վաղ փուլերում հայտնաբերված քաղցկեղի նկատմամբ հաղթանակն առավել հավանական է, քան ուռուցքի բուժման արդյունավետությունը  զարգացման ուշ փուլերում:


Կարևոր է գիտակցել, որ քաղցկեղի բուժումը մեծ գումարներ արժե, ինչը հատկապես ցածր եկամուտ ունեցող երկրներում ոչ բոլորը կարող են իրենց թույլ տալ: Այդ պատճառով առողջության մասին հարկավոր է հոգալ նախքան իրավիճակն աղետալի դառնալը, երբ ի հայտ են գալիս հիվանդության առաջին ախտանիշները: Հակառակ դեպքում Քաղցկեղի դեմ պայքարի միջազգային միության կանխատեսումն իրականություն կդառնա, համաձայն որի 2030 թ. քաղցկեղից մահացությունների թիվը կկազմի 13 մլն մարդ,  իսկ 2035-ին՝ 24 մլն:


Հիշե՛ք, որ ապրում եք միայն մեկ անգամ, ուստի ձեր ուտելիքն ընտրեք գիտակցաբար, զբաղվեք սպորտով, մի՛ չարաշահեք ալկոհոլն ու ծխախոտը, յուրաքանչյուր տարի բժշկական հետազոտություն անցեք: 


13-09-2025

ՈՒԱԿ Լաբորատոր ախտորոշիչ ծառայությունը վերահավատարմագրվել է ANAB-ի կողմից

Վ. Ա. Ֆանարջյանի անվան ուռուցքաբանության ազգային կենտրոնի լաբորատոր ախտորոշիչ ծառայությունը 2025թ․ վերահավատարմագրվել է ANSI National Accreditation Board (ANAB) հավատարմագրման մարմնի կողմից՝ ստանալով

13-09-2025

«Առողջապահությունն ու արհեստական ինտելեկտի հեղափոխությունը․ օգուտներ, ռիսկեր, ապագա». Դասախոսություն ՈՒԱԿ-ում

Վ. Ա. Ֆանարջյանի անվան ուռուցքաբանության ազգային կենտրոնում անցկացվեց հանրային դասախոսություն՝ նվիրված առողջապահության ոլորտում արհեստական ինտելեկտի (AI) կիրառության արդիական թեմային։ Դասախոսությունը

10-09-2025

ԱԷՄԳ պատվիրակության այցը Վ. Ա. Ֆանարջյանի անվան ուռուցքաբանության ազգային կենտրոն

Վ. Ա. Ֆանարջյանի անվան ՈՒԱԿ-ը հյուրընկալել է Ատոմային էներգիայի միջազգային գործակալության (ԱԷՄԳ) պատվիրակությանը։ Այցը կայացել է ՀՀ Առողջապահության նախարարության և ԱԷՄԳ-ի համագործակցությամբ
Կանխի՛ր կոռուպցիան

Ազդարարման հարցերով պատասխանատու՝ Գոռ Թանայան

ՈՒԱԿ անձնակազմի հաշվառան և գրանցման մասնագետ

Հեռախոսահամարներ՝ 010 205050 - 134 , +347 99 993499

Էլեկտրոնային հասցե՝ gtankyan@bk.ru

Հարգելի՛ այցելուներ,

որակի բարելավման նպատակով խնդրում ենք ձեր առաջարկներն ու դիտարկումներն ուղարկել ՈՒԱԿ տնօրեն Կարեն Ծառուկյանին՝ fanarjiansdirector@gmail.com հասցեով։

Ձեր վստահությունը մեր լավագույն գնահատականն է

Թողնել կարծիք×