Այսօր մենք նշում ենք բուժաշխատողների օրը։ Օր, որը հերթական անգամ հնարավորություն է տալիս շնորհակալական և երախտիքի խոսքեր ասելու բոլոր այն բուժաշխատողներին, որոնք բարձր պատասխանատվությամբ ծառայում են իրենց կոչմանը:

Սիրելի՛ բուժաշխատողներ, 

շնորհավորում եմ ձեր տոնի առթիվ։ Դուք մարդիկ եք, որոնց բնորոշ է սրտացավությունը, կարեկցանքը, ինքնազոհողությունը։ Շաբաթական 7 օր՝ 24 ժամ, դուք կարողանում եք մարդկանց օգտակար լինել ամենապատասխանատու մասնագիտության միջոցով. շնորհակալությու´ն։ 

Բուժաշխատողին միշտ ճիշտ պահին արագ կողմնորոշվել և անսխալ գործել է պետք։ Հպարտությամբ պետք է փաստեմ, որ կենտրոնում մենք համախմբել ենք այդ պարտավորությունը գերազանց կատարող մասնագետների։ Փրկված կյանքերի, ապաքինված վերքերի և հավատով լցված ապագաների համար շնորհակալությու´ն: Ձեր դերն, անտարակույս, պետք է արժևորել ոչ միայն այսօր, այլև միշտ:

Ձեզ մաղթում եմ առողջություն, խաղաղ երկինք և տոկունություն ձեր ծանր աշխատանքում։

Շնորհակալությու´ն ։