ՀՀ ԱՆ Վ․Ա․ Ֆանարջյանի անվան Ուռուցքաբանության ազգային կենտրոնը շարունակում է համալրումը ժամանակակից սարքավորումներով։ Կենտրոնի նոր ձեռքբերումը՝ KARL STORZ ընկերության վերջին սերնդի էնդոսկոպիկ սարքավորումը հագեցած է բոլոր տեսակի գործիքներով, որը հնարավորություն է ընձեռում կատարել ուռուցքաբանության ոլորտի բոլոր տեսակի վիրահատությունները լապարոսկոպիկ եղանակով։  

Նոր սարքավորումը իր մեջ ներառում է LED լույսի աղբյուրով մոդուլային տեսապլատֆորմ, որն ունի Երեք տարբեր 2D և 3D տեխնոլոգիաներ հյուսվածքների զանազանման համար, ինսուֆլյատոր, որն ապահովում է գազի արագ ներմղում (40 լիտր/րոպե), ինչպես նաև բարձրարտադրողականությամբ գեներատոր, որը հնարավորություն է տալիս աշխատել մոնոպոլյար և բիպոլյար ռեժիմներով։

Հարկ է նշել, որ այս էնդոսկոպիկ սարքավորումը բառացիորեն բժշկական տեխնոլոգիաների վերջին խոսքն է, ինչը հնարավորություն կտա Ուռուցքաբանության ազգային կենտրոնին պահպանել առաջատարի դիրքերը նաև լապարոսկոպիկ վիրաբուժության ոլորտում։