Newarmenia-ի հարցազրույցը Ճառագայթային ուռուցքաբանության բաժանմունքի ղեկավար Թաթուլ Սաղաթելյանի հետ
«Օրգանիզմում չկա մի օրգան, օրգան համակարգ կամ թեկուզ մեկ բջիջ, որը ծխելու կամ ծխախոտի արգասիքների պատճառով չի տուժում: Ընդ որում՝ դա վերաբերում է ցանկացած տարիքի: Կան հիվանդությունների խմբեր, որոնք անմիջական կապ ունեն ծխելու կամ ծխախոտի ծխի հետ»,-ասում է ՀՀ ԱՆ Վ. Ա. Ֆանարջյանի անվան Ուռուցքաբանության ազգային կենտրոնի Ճառագայթային ուռուցքաբանության բաժանմունքի ղեկավար Թաթուլ Սաղաթելյանը և դրական գնահատում նոր փոփոխությունները.
«Եթե հաշվի առնենք միջազգային փորձը, ապա այս օրենքը կնպաստնի երկրում ծխող մարդկանց քանակի նվազմանը, ինչպես նաև կպաշտպանի չծխողներին»:
Հիշեցնենք, որ մարտի 15-ից ուժի մեջ է մտնել «Ծխախոտային արտադրատեսակների և դրանց փոխարինիչների օգտագործման հետևանքով առողջությանը հասցվող վնասի նվազեցման և կանխարգելման մասին» օրենքի դրույթը, ըստ որի՝ հանրային սննդի օբյեկտներում, այդ թվում՝ բացօթյա (ճաշարաններ, ռեստորաններ, սրճարաններ, բարեր, բուֆետներ և խոհարարական արտադրանքի պատրաստման և իրացման այլ օբյեկտներ), արգելվում է ծխախոտային արտադրատեսակների և դրանց փոխարինիչների օգտագործումը:
Նոր փոփոխությունների մասին պատմում է Newarmenia-ն:
