Ուռուցքաբան-գինեկոլոգ Սիրան Խաչատրյանը մասնակցել է եվրոպական առաջատար ամենամյա Գինեկոլոգիական ուռուցքաբանության եվրոպական 23-րդ կոնգրեսին
Կարևորելով ժամանակակից բժշկության մեթոդաբանության ուսումնասիրությունները և մեր երկրում ու հատկապես մեր կենտրոնում դրանց հետագա կիրառելիության հնարավորությունները՝ Ուռուցքաբանության ազգային կենտրոնի մասնագետները պարբերաբար մասնակցում են աշխարհում տեղի ունեցող միջազգային կարևորագույն գիտաժողովներին ու կոնգրեսներին:
Օնկոգինեկոլոգիական բաժանմունքի ուռուցքաբան-գինեկոլոգ Սիրան Խաչատրյանը ս.թ. հոկտեմբերի 27-ից 30-ը մասնակցել է եվրոպական առաջատար ամենամյա Գինեկոլոգիական ուռուցքաբանության եվրոպական 23-րդ կոնգրեսին (23rd European Congress on Gynecological Oncology) , որն այս տարի տեղի է ունեցել Գերմանիայի Բեռլին քաղաքում:
Աշխարհի տարբեր երկրներից ավելի քան 3000 մասնագետներ կոնգրեսի ընթացքում կիսվել են իրենց փորձով, հարստացրել իրենց գիտելիքները նորարարական տեխնոլոգիաների ոլորտում, հնարավորություն են ունեցել հաղորդակցվելու միջազգային մեծ լսարանի հետ՝ ձեռք բերելով նոր համագործակցություններ։
