Շուրջ 30 պացիենտ ունեն ոչ միայն առողջ, այլև գեղեցիկ ոտքեր. ՈւԱԿ-ում նոյեմբեր ամսվա ընթացքում լազերային եղանակով վարիկոզի բուժումն իրականացվել է բացառիկ արժեքով
Ուռուցքաբանության ազգային կենտրոնը, կարևորելով մեր պացիենտների առողջությունն ու նրանց կյանքի որակի փոփոխությունը, ողջ տարվա ընթացքում իրականացնում է մի շարք ակցիաներ:
Նմանատիպ ակցիա է իրականացվել նորաբաց Անոթային և էնդովասկուլյար վիրաբուժության բաժանմունքում. ողջ նոյեմբեր ամսվա ընթացքում լազերային եղանակով երակների լայնացումների (վարիկոզ) բուժումն իրականացվել է ԲԱՑԱՌԻԿ ԱՐԺԵՔՈՎ: Ակցիայից օգտվելու հնարավորություն են ունեցել շուրջ 30 պացիենտ. իրականացվել է էնդովենոզ լազերային օբլիտերացիա։
Այն`
- արագ է, անցավ, քիչ ինվազիվ, առանց ողնուղեղային (սպինալ) անզգայացման անհրաժեշտության,
- կատարվում է առանց կտրվածքների և չի թողնում սպի,
- ապահովում է հիվանդության բուժում:
Այս միջամտության շնորհիվ պացիենտները հնարավորություն են ունենում`
- վիահատությունից ժամեր անց քայլելու,
- կրճատվում է ստացիոնարում գտնվելու ժամանակահատվածը,
- էլաստիկ տրիկոտաժների կիրառումը կրճատվում է մինչև 1 ամիս,
- հնարավորինս մինիմալի է հասցվում հետվիրահատական բարդությունների առաջացումը,
- կարող են հենց նույն օրը տուն գնալ` վերադառնալով իրենց կենսակերպին` առանց նախկինում անհանգստացնող ոտքերի ցավի:
Որպես նպատակ՝ ՁԵՐ ԱՌՈՂՋՈՒԹՅՈՒՆԸ Որպես միջոց՝ ՄԵՐ ԱՇԽԱՏԱՆՔԸ ՍԻՐՈՎ՝ ՈՒԱԿ
