ՀՀ ԱՆ Վ.Ա. Ֆանարջյանի անվան Ուռուցքաբանության ազգային կենտրոնում օրերս տեղի է ունեցել կլոր սեղան հանդիպում-քննարկում աշխարհահռչակ միջազգային կազմակերպության՝ «BostonGene»-ի կլինիկական պաթոմորֆոլոգ Վլադիմիր Կուշնարյովի հետ:

 

Կլոր սեղանին մասնակցում էին ՈՒԱԿ-ի Կլինիկական պաթոմորֆոլոգիայի բաժանմունքի, Մամոլոգիական բաժանմունքի, Ընդհանուր և մանկական քիմիաթերապևտիկ ծառայության մասնագետները:

 

Հանդիպման թեման «Կրծքագեղձի եռակի բացասական քաղցկեղ»-ն էր:

 

Վլադիմիր Կուշնարյովը Եվրոպայի պաթոմորֆոլոգների միության (ESP) անդամ է, Ամերիկա-կանադական պաթոմորֆոլոգների միության (USCAP) անդամ, Կլինիկական ուռուցքաբանության ամերիկյան միության (ASCO) անդամ:

 

Շուրջ 2 ժամ տևած քննարկման ժամանակ անդրադարձ է եղել կրծքագեղձի եռակի բացասական քաղցկեղի հետ կապված բոլոր արդիական հարցերին, քննարկվել է այդ տեսակի քաղցկեղի համար անհրաժեշտ հետազոտությունները, դրանց անցկացման կարգը, հետագայում բուժման տարբերակները:

 

Մասնագետի հետ ձեռք են բերվել պայմանավորվածություններ՝ հետագա համագործակցությունների համար: