1965թ․ ծնված քաղաքացին Ուռուցքաբանության ազգային կենտրոն է դիմել հոկտեմբերի 9-ին։ Տղամարդը գանգատվում էր էպիգաստրալ շրջանի ցավից, վքնածության զգացողությունից։

Կատարված հետազոտությունների արդյունքում ախտորոշվել է ֆատերյան պտիկի վիլլոտուբուլյար ադենոմա։

Ուռուցքաբանության ազգային կենտրոն դիմելուց 4 օր անց 58 ամյա տղամարդում կատարվել է էնդոսկոպիկ ամենաբարդ վիրահատություններից մեկը։ Ընդհանուր անզգայացման պայմաններում կատարվել է ամպուլէկտոմիա, պանկրեատիկ ծորանի և ընդհանուր լեղածորանի ստենտավորում։ Այսպիսի վիրահատությունը համարվում է էնդոսկոպիայի ոլորտում ամենաբարդերից մեկը։

Հետվիրահատական շրջանն անցել է հարթ, բուժառուն դուրս է գրվել ՈՒԱԿ-ից բավարար վիճակում։