ԼԱԲՈՐԱՏՈՐ ԾԱՌԱՅՈՒԹՅՈՒՆ

Լաբորատոր ախտորոշիչ ծառայությունում շուրջօրյա ռեժիմով իրականացվում են հետևյալ հետազոտությունները՝

• հեմատոլոգիական
• կենսաքիմիական
• իմունոլոգիական
• շճաբանական

Լաբորատորիայում իրականացվում է առանձին օրգանների և օրգան համակարգերի հիվանդությունների համալիր ախտորոշում, օրինակ՝ երիկամի, լյարդի, ենթաստամոքսային գեղձի, վահանաձև գեղձի ֆունկցիայի, սիրտանոթային համակարգի հիվանդությունների, անեմիաների և այլն։

Լաբորատորիայի հագեցվածությունը և սարքերը

Լաբորատորիան հագեցած է միջազգային բարձրակարգ արտադրության նորագույն և ամբողջապես ավտոմատացված սարքավորումներով, որոնք հնարավորություն են տալիս իրականացնել լայնածավալ հետազոտություններ, իսկ որակի բազմաստիճան հսկողությունը օգնում է պահպանել այդ հետազոտությունների չափորոշիչները։

Ընդհանուր կլինիկական լաբորատորիա

Արյան կլինիկական հետազոտությունը կատարվում է ճապոնական Sysmex 500i և Sysmex XN-350 վերլուծիչներով։

Sysmex 500i-ը, օգտագործելով ընդամենը 20մլ երակային կամ պերիֆերիկ արյուն, 2-3 րոպեում հնարավորություն է տալիս համակարգչային մշակման ենթարկել արյան 26 անալիտիկ և հաշվարկային ցուցանիշ՝ ներկայացնելով դրանք ինչպես թվային, այնպես էլ գրաֆիկական պատկերները։

Sysmex XN-350 սարքը ապահովում է բջիջների տարբերակման ավելի բարձր աստիճան, ոչ նորմալ լեյկոցիտների հայտնաբերման բարձր զգայունություն և կլինիկական նշանակություն ունեցող պարամետրերի ավելի լայն տեսականի։

Կլինիկական լաբորատորիան համալրված է նաև Urysis 1000i սարքով, որը հնարավորություն է տալիս իրականացնել մեզի կլինիկական հետազոտություն ՝ գլյուկոզայի, կետոնային մարմինների , բիլիրուբինի, ուռոբիլինի որոշման համար։

Իմունաբանական լաբորատորիա

Cobas e 411 իմունոլոգիական վերլուծիչը ամբողջությամբ ավտոմատացված համակարգ է, որը համարվում է առաջատար IVD-ի (in vitro diagnostics) ոլորտում։ 

Սարքի առավելություններն են․

1. Նմուշները սարքի մեջ տեղադրելուց հետո պատասխանները պատրաստ են լինում 18 րոպեից, իսկ որոշ դեպքերում (hisensitiv troponin-9, CK-MB, Myoglobin, Betta HCG, PTH) նաև 9 րոպեից:
2. Թեստերի մեծ ճշգրտություն և զգայունություն։
3. Անալիզի ողջ ընթացքը վերահսկվում է հենց սարքի կողմից։

Կենսաքիմիական լաբորատորիա

Կենսաքիմիական լաբորատորիան հագեցած է Cobas Integra400 սարքով։

Ավտոմատ բիոքիմիական անալիզատոր Cobas c 111-ը էքսպրես լաբորատորիային ապահովում է չափվող պարամետրերի լայն տեսականի և STAT (цито) նմուշները հեշտորեն չափելու հնարավորություն։

Արյան մակարդելիության հետազոտություններն իրականացվում են ֆրանսիական start -4 սարքի միջոցով, որն այսօր համարվում է արյան մակարդուկի ձևավորման ժամանակի չափման ճշգրտության ոսկե էտալոն։ Այս սարքավորումները հնարավորություն են տալիս հետազոտություններն իրականացնել փակ-թեստ համակարգով, փորձանմուշների ոչ կոնտակտային խառնիչով, որով բացառվում է նմուշների խաչաձև աղտոտման հնարավորությունը և ապահովում է արդյունքների ճշգրտությունն ու հավաստիությունը։

Մանրէաբանական լաբորատորիա

Մանրեաբանական լաբորատորիայում կատարվում են բոլոր մանրէաբանական հետազոտությունները` ցանկացած կլինիկական նմուշով (արյուն, վերքային արտադրություն, մեզ, հեշտոցային արտադրություն, պունկտատ և այլն)` հակաբիոտիկային զգայունության որոշմամբ: 

Դոնորական կետ 

Լաբորատորիայում գործում է նաև դոնորական կետ։ Մանրամասներին կարող եք ծանոթանալ այստեղ։

Հեռ․ +37410205050, ներքին՝ 139, դոնորական արյան կետ՝ 155