ՀՀ Առողջապահության նախարար Անահիտ Ավանեսյանը Վ.Ա. Ֆանարջյանի անվան ուռուցքաբանության ազգային կենտրոնի անձնակազմին է ներկայացրել նորանշանակ տնօրեն Կարեն Ծառուկյանին:

«Համատեղ, թիմային ջանքերով պետք է անենք ամենը, որ կենտրոնն իր արժանավայել տեղն ունենա ոչ միայն Հայաստանում, այլև` ամբողջ տարածաշրջանում: Կարևորում եմ կենտրոնի անցած շրջափուլը, զարգացման տեմպը, նաև գիտեմ, որ ՈՒԱԿ-ը ունի մեծ պոտենցիալ` դառնալու պացիենտակենտրոն բուժհաստատություն, առաջատար նաև գիտահետազոտական, կլինիկական փորձարկումների առումով», - ասել է նախարարը անձնակազմին և տնօրենին մաղթելով արգասաբեր աշխատանք` ի շահ ժողովրդի և երկրի: