Ուռուցքաբանության ազգային կենտրոնում արդեն գրեթե մեկ ամիս փոքրիկ այցելուներն ունեն իրենց համար առանձնացված սենյակ, որտեղ կարող են խաղալ, երգել, պարել, նկարել ու ստեղծագործել։ Այս ամենը՝ արհեստավարժ մասնագետի վերահսկողությամբ։ 

Ուրախությամբ արձանագրում ենք, որ ՈւԱԿ-ում գործող մանկական սենյակը մեկ ամսվա ընթացքում հյուրընկալել է ավելի քան երկու հարյուրից ավել երեխա և հասցրել դառնալ սիրելի վայր ինչպես փոքրիկների, այնպես էլ նրանց ծնողների համար։

Մանկական սենյակի ծառայությունները նախատեսված են մեր կենտրոն այցելող բոլոր բուժառուների երեխաների համար: Այսուհետ կարող եք մի քանի ժամով թողնել ձեր երեխային մասնագետի մոտ, հանգիստ անցնել ձեր բոլոր հետազոտություններն ու խորհրդատվությունները, ստանալ քիմիաթերապիա` վստահ լինելով, որ երեխան ապահով ձեռքերում է: Եվս մեկ անգամ հիշեցնում ենք, որ մանկական սենյակի ծառայությունն ԱՆՎՃԱՐ է։ 

Մանկական սենյակի աշխատանքային գրաֆիկը՝ երկուշաբթիից ուրբաթ՝ 08:30-16:00:

Լուսանկարները հրապարակվել են ծնողների թույլտվությամբ։