ՈւԱԿ-ն իր զարգացման առանցքում ունի մի շարք տեսլականներ, որոնցից է՝ լավագույն ծառայությունների մատուցման նախապայմաններից մեկը մասնագետների շարունակական կրթությունն ու վերապատրաստումն է:

ՈՒԱԿ Որովայնային և էնդովիրաբուժության բաժանմունքի ուռուցքաբան-վիրաբույժ Արմեն Նիկողոսյանը 1-ամսյա վերապատրաստում է անցել Ճապոնիայի լավագույն պետական համալսարաններից մեկի էնդոսկոպիայի բաժանմունքում (Kyushu university clinic endoscopy department):

1-ամսյա վերապատրաստման ընթացքում ՈՒԱԿ մասնագետը ծանոթացել և իր հետ Հայաստան է բերել նոր մեթոդներով կատարվող միջամտությունների իրականացման փորձը, որն այսուհետ կկիրառվի նաև մեր կենտրոնում։

Մասնավորապես՝

• ստամոքսի և հաստ աղու վաղաժամ ուռուցքների դեպքում Էնդոսկոպիկ դիսեկցիաներ, պոլիպեկտիամիաներ, ռետրոգրադ խոլանգիոպանկրեատոգրաֆիա,
• լեղածորանների և ենթաստամոքսային գեղձի ծորանի ստենտավորումներ,
• խոլեդոխոսկոպիա,
• մանր սեգմենտար լեղածորաններից քարերի փշրում և հեռացում:

Վերապատրաստման ընթացքում նաև թրեյնինգ կուրսեր են անցկացվել, որի ժամանակ խոզի ստամոքսի վրա էնդոսկոպիկ դիսեկցիաներ են կատարվել։ 

ՈՒԱԿ-ը հետևողական է աշխարհի լավագույն կենտրոններում իր բժիշկների համար նոր փորձ ձեռք բերելու հնարավորությունների ստեղծման հարցում: