Հայկական ուռուցքաբանական 5-րդ կոնգրես․ բացման հանդիսավոր արարողություն
Փետրվարի 1-ին Ծաղկաձորում մեկնարկեց Հայկական ուռուցքաբանական 5-րդ հոբելյանական կոնգրեսը։
Բացման հանդիսավոր արարողության ողջույնի խոսքում Ուռուցքաբանության ազգային կենտրոնի տնօրեն Նարեկ Մանուկյանը կարևորեց ոլորտը շարունակաբար զարգացնելու առաքելությունը։ Նա ընդգծեց, որ աշխարհի տարբեր երկրներից ժամանած մասնագետների և հայաստանյան բժիշկների փորձի փոխանակումը մեկ միասնական հարթակում լավագույնս նպաստում է նոր կապերի հաստատմանը և ոլորտի զարգացմանը։
ՀՀ ԱՆ նախարար Անահիտ Ավանեսյանն առանձնացրեց ուռուցքաբանական ոլորտում մատուցվող ծառայությունների բազմավեկտորությունը, խոսեց սքրինինգային ծրագրերի կարևորության և ընդլայնման մասին, անդրադարձավ նաև առողջապահության ֆինանսավորմանը։
Կոնգրեսի մասնակիցներին ողջույնի խոսք ուղղեցին նաև ՀՀ ԱԺ Առողջապահության և սոցիալական հարցերի հանձնաժողովի նախագահ Արսեն Թորոսյանը, ԵՊԲՀ ռեկտոր Արմեն Մուրադյանը և Առողջապահության ազգային ինստիտուտի տնօրեն Ալեքսանդր Բազարչյանը։
