Մենք մոտենում ենք մեր նպատակին. ISO 15189 ստանդարտին համապատասխանող լաբորատորիա ունենալուն
Մենք մոտենում ենք մեր նպատակին. ISO 15189 ստանդարտի՝ ախտորոշիչ լաբորատորիաների որակի և կոմպետենտությանը ներկայացվող միջազգային չափանիշներին համապատասխանող լաբորատորիա ունենալուն
Ուռուցքաբանության ազգային կենտրոնն ապահովում է ամբողջ շղթան՝ ուռուցքների առաջնային ախտորոշումից մինչև համալիր բուժում, պացիենտների դիսպանսեր հսկողություն և պալիատիվ խնամք։
Այս շղթայի կարևոր օղակներից մեկը լաբորատորիան է։
Մեր կենտրոնի Լաբորատոր ախտորոշիչ ծառայությունը հագեցված է համշախարհային բարձրակարգ արտադրության նորագույն և ամբողջապես ավտոմատացված սարքավորումներով, որոնք հնարավորություն են տալիս իրականացնելու լայնածավալ հետազոտություններ, ինչպես նաև ներդրված են որակի բազմաստիճան հսկողության մեխանիզմներ։
Կարևորելով վերջինիս դերը՝ ՈՒԱԿ-ը հետամուտ է միջազգային ISO 15189 (բժշկական լաբորատորիաների որակի և կոմպետենտությանը ներկայացվող պահանջներ) ստանդարտներին համապատասխան Որակի Կառավարման համակարգի ներդրմանը։ Ներդնելով որակի կառավարման համապատասխան համակարգ՝ լաբորատորիան ստանդարտացնում է իրականացվող գործընթացները՝ նվազագույնի հասցնելով սխալները։
ՄԵՐ ՆՊԱՏԱԿին հասնելու համար մենք
որակը սահմանում ենք որպես առաջնահերթություն ողջ անձնակազմի համար,
տրամադրում ենք ծառայություն՝ ուղղված հաճախորդների գոհունակությանը և նրանց սահմանած որակի պահանջներին,
կենրոնում սահմանում և անձնակազմում սերմանում ենք անկողմնակալ և անաչառ աշխատանքի, տվյալների գաղտնիության ապահովման սկզբունքները,
ապահովում ենք անհամապատասխանությունների ժամանակին հայտնաբերումը, առաջացման պատճառների վերլուծությունը, պատճառների վերացման համար ուղղիչ գործողությունների իրականացումը,
իրականացնում ենք համակարգի և որակի շարունակական բարելավմանն ուղղված գործընթացների, ռիսկերի և հնարավորությունների մշտադիտարկում,
ապահովում ենք աշխատակիցների շարունակական զարգացմանն ուղղված ուսուցումը և պատրաստում ենք նոր երիտասարդ մասնագետներ։
Լաբորատոր ախտորոշիչ ծառայությունը շուտով հանդես կգա լավ նորություններով․․.
