Ուռուցքաբանության ազգային կենտրոնում (ՈւԱԿ) առաջին անգամ կատարվել են ռեգիոնար քիմիաթերապիա և ուռուցքային անոթների էմբոլիզացիա, ինչը ենթադրում է քիմիաթերապևտիկ նյութի ներարկումն անմիջապես ուռուցքը սնող անոթների մեջ և այդ անոթների արհեստական խցանում:

Այս մեթոդը կիրառվել է աջ ազդրի վերին-երրորդականի փափուկ հյուսվածքային սարկոմա (ռաբդոմիոսարկոմա) ախտորոշմամբ 65 տարեկան պացիենտի բուժման ժամանակ: Ոռուցքը ներաճել էր դեպի ազդրոսկր` ազդրոսկրի ախտաբանական կոտրվածքի բարդացմամբ:

Մինչ ՈւԱԿ դիմելը հիվանդը մոտ 4 ամիս ստացել է ոչ ադեկվատ բուժում Հայաստանի տարբեր ոչ մասնագիտացված բուժհաստատություններում: Հաշվի առնելով ուռուցքի մեծ չափսերը (19 սմ երկայնքով) և բարձր անոթավորումը` սկզբնական փուլում կատարվեց ռեգիոնար մոնոքիմիաթերապիա և ուռուցքային անոթների էմբոլիզացիա, այնուհետև` միաժամանակ ուռուցքի լայն հեռացում և ազդրոսկրի պրոքսիմալ մասնահատում` էնդոպրոթեզավորմամբ:

Մեթոդի կիրառման շնորհիվ հնարավոր դարձավ ուռուցքի հեռացումը` վերին վերջույթի պահպանմամբ և արյան մինիմալ կորստով:

  Առկա մուգ գույնով ներկված հատվածները քիմիապրեպարատի և էմբոլիզացնող նյութի կուտակումն է ուռուցքային հյուսվածքում   Դեպի ուռուցք գնացող անոթները բացակայում են

Վիրահատող խումբ.
էնդովասկուլյար վիրաբույժ Պողոսյան Տ.Ս.
Օնկոօրթոպեդներ` Սեինյան Ս.Գ., Սեինյան Ա.Ս.