Պարբերաբար հանդիպումներ ՈՒԱԿ-ում՝ փորձի փոխանակման նպատակով

Ուռուցքաբանության ազգային կենտրոնի գործունեության հիմքում որակյալ մասնագետների կողմից որակյալ բժշկական ծառայություններ մատուցելն է։ Մեր կենտրոնում պարբերաբար տեղի ունեցող գիտակրթական սեմինար-հանդիպումները ևս մեկ անգամ վկայում են այդ մասին։

Նախորդ շաբաթ տեղի ունեցավ մասնագիտական հանդիպում, որի ընթացքում քննարկվեց կրծքագեղձի քաղցկեղի վաղ փուլի բուժման ռազմավարությունը։

Բանախոսներն այդ շրջանակում ներկայացրել են զեկույցներ հետևյալ թեմաներով՝

- Բուժման դե-էսկալացիոն մոտեցման ներդրումը HER2+ վաղ փուլի կրծքագեղձի քաղցկեղի բուժման պրակտիկայում։

- Հակա-HER2 թիրախային բուժման ազդեցությունը վաղ փուլի HER2-դրական կրծքագեղձի քաղցկեղ ունեցող պացիենտների մոտ։ Ի՞նչ ունենք այսօր, և ի՞նչ կունենանք վաղը .․․

Հանդիպման ընթացքում ներկայացվել են նաև PHERGain trial-ի տվյալները, որոնք իրեցից ներկայացնում են քաղցկեղի բուժման դեէսկալացիոն մոտեցումները։

Զեկույցով հանդես են եկել Ուռուցքաբանության ազգային կենտրոնի Դեղորայքային ուռուցքաբանության բաժանմունքի բժիշկ-քիմիաթերապևտներ Լուսինե Նանայանը և Աննա Թադևոսյանը։

Մեր նպատակը առողջացած պացիենտներ ունենալն է, դրա համար կարևորում ենք փորձի փոխանակումը։