Վաղ ախտորոշումը նպաստում է հիվանդության դեմ արդյունավետ պայքարին

Ուռուցքաբանության ազգային կենտրոնը, շարունակելով հոգալ մեր հայրենակիցների առողջության մասին, մեկ ամիս շարունակ անցկացրեց ԱՆՎՃԱՐ կրծքավանդակի ցածր դոզավորման (LOW-DOSE CT scan) ՀՇ հետազոտություն:

Թոքի քաղցկեղի մասին իրազեկման ամսվա շրջանակում կազմակերպված ակցիային մասնակցած 50-75 տարեկան մեր համաքաղաքացիները հնարավորություն ունեցան ԱՆՎՃԱՐ ՀՇ հետազոտություն անցնել նոյեմբերի 4-ին, 11-ին, 18-ին և 25-ին։

Անվճար ակցիայի շրջանակում հետազոտվեց շուրջ 80 պացիենտ։ Ցավոք, նրանցից 2-ի մոտ հայտնաբերվել է թոքի քաղցկեղ։ Շատերի մոտ հայտնաբերվել են բարորակ նորագոյացություններ, ֆիբրոզ օջախային փոփոխություններ, որոշ դեպքերում թավշյա ապակու համախտանիշի (GGO) տեսքով փոփոխություն, որը կարող է հանդիսանալ նախաքաղցկեղային վիճակ, ինչպես նաև աորտայի էկտազիաներ, բոլորին բնորոշ էր թոքերի էմֆիզեմատոզ փոփոխություններ՝ որոշների մոտ հսկա բուլաների տեսքով: 

Ուռուցքաբանության ազգային կենտրոնը ևս մեկ անգամ հորդորում է պարբերաբար անցնել հետազոտություններ, կանխարգելել չարաբաստիկ հիվանդությունը:

Հիշե՛ք՝ թոքի քաղցկեղի վաղ փուլերը սովորաբար ընթանում են առանց կլինիկական ախտանշանների և վերջիններս սկսում են անհանգստացնել հիվանդության ավելի ուշ փուլերում:

Ուստի, հրաժարվե՛ք ծխելուց, և եթե 50-75 տարեկան եք, մոլի ծխող եք (օրական 1 տուփ կամ ավելի) կամ եղել եք մոլի ծխող և վերջին 5 տարում էլ չեք ծխում, ապա 6 ամիսը մեկ անցե՛ք կրծքավանդակի ցածր դոզավորման (LOW-DOSE CT scan) ՀՇ հետազոտություն:

ԼԻՑԵՆԶԻԱ Կ-XX-000973, Տրված՝ 02.07.2007թ.

Որպես նպատակ՝ ՁԵՐ ԱՌՈՂՋՈՒԹՅՈՒՆԸ Որպես միջոց՝ ՄԵՐ ԱՇԽԱՏԱՆՔԸ ՍԻՐՈՎ՝ ՈՒԱԿ