Ուռուցքաբանության ազգային կենտրոնը աշխատանքի է հրավիրում ճառագայթային բուժման բուժակ-տեխնիկների՝ Ճառագայթային ուռուցքաբանության բաժանմունքում աշխատելու համար:

Ճառագայթային բուժումը ժամանակակից բժշկության ամենատեխնոլոգիական և դինամիկ զարգացող ոլորտներից է ու չարորակ ուռուցքների բուժման հիմնական եղանակներից մեկը:

Ճառագայթային բուժման բուժակ-տեխնիկը` բժշկական արագացուցիչների և այլ բուժասարքերի օպերատորը, բժիշկ-ռադիոթերապևտի ու բժշկական ֆիզիկոսի հետ համատեղ իրականացնում է ուռուցքային հիվանդների ճառագայթային բուժման նախապատրաստումը և անցկացումը`ժամանակակից բարձր տեխնոլոգիական սարքավորումների օգնությամբ:

Մեր կենտրոնում յուրաքանչյուր բուժառու ստանում է անհատական համապարփակ  մոտեցում,  այդ իսկ պատճառով, մեզ համար կարևոր է` մեր ապագա գործընկերներն ունենան հետևյալ հմտությունները, կարողություններն ու գիտելիքները`

միջին մասնագիտական կամ բարձրագույն (բակալավրիատ) բժշկական կրթություն, միջին և բարձր համակարգչային գիտելիքներ ու հմտություններ, հայերենի և ռուսերենի լավ իմացություն (անգլերենի իմացությունը կդիտվի որպես առավելություն), սովորելու, մասնագիտական աճի ցանկություն, կրթական գործուղումների մեկնելու պատրաստակամություն, թիմային աշխատանքի կարողություն, կազմակերպվածություն, նպատակասլացություն, կարգապահություն, տարբեր իրավիճակներում արագ և ինքնուրույն կողմնորոշվելու ունակություն, աշխատանքային փորձը պարտադիր չէ, բայց բուժակ-տեխնիկի որակավորումը կդիտարկվի որպես առավելություն:

Աշխատանքային գործառույթները՝

բուժական միջոցառումների` ճառագայթային բուժման սեանսների, սիմուլյատորային հետազոտությունների անցկացում` գծային արագացուցիչներով և ճառագայթային բուժման այլ սարքավորումներով, մասնակցություն ճառագայթային բուժման նախապատրաստման և համակարգչային պլանավորման աշխատանքներին, համապատասխան փաստաթղթային աշխատանքների վարում` պացիենտների գրանցամատյանի վարում, ճառագայթային բուժման քարտերի լրացում և այլն,  բուժասարքի աշխատանքային վիճակի հսկողություն, պահպանում, ժամանակակից ճառագայթային բուժման գործընթացին առընչվող այլ մասնագիտական գործառույթներ:

Աշխատանքային պայմանները՝

ընտրված թեկնածուները կանցնեն 3-ամսյա անվճար վերապատրաստում Ուռուցքաբանության ազգային կենտրոնում և արտերկրում (2/1)՝համապատասխան մասնագիտական որակավորման քննությամբ, աշխատանքն իրականացվում է 5/7 ձևաչափով` 1 կամ 2 հերթափոխով՝յուրաքանչյուրը 7 ժամ տևողությամբ: Տարեկան տրվում է 35 աշխատանքային օր վճարովի արձակուրդ և բժշկական ապահովագրություն, վարձատրությունը որակավորմանն ու աշխատանքային ծանրաբեռնվածությանը համապատասխան:

Դիմելու համար հետաքրքրված անձիք կարող են իրենց ինքնակենսագրականները (CV) ուղարկել [email protected] էլ.հասցեին` թեմա դաշտում պարտադիր նշելով «բուժակ - տեխնիկ»:

Հարցերի դեպքում կարող եք զանգահարել +37410205050 հեռախոսահամարով: